გუდაური, სამთო-სათხილამურო კურორტი საქართველოში, კარგად განვითარებული ინფრასტრუქტურით ზამთრის აქტიური დასვენებისთვის, მდებარეობს კავკასიონის მთავარი ქედის სამხრეთით.

სიმაღლეთა ამპლიტუდა კურორტზე 1200 მეტრია (სათხილამურო ტრასის ყველაზე მაღალი წერტილი 3,250 მეტრი, ყველაზე დაბალი – 2,050 მეტრი).

სეზონი იწყება ზამთარში და გრძელდება გვიან გაზაფხულამდე. კურორტის სათხილამურო ტრასები განკუთვნილია ყველა დონის მოთხილამურისთვის მოსამზადებლად, დაწყებული ლურჯიდან – დამწყებთა და მოყვარულთათვის, შავ ტრასებამდე – პროფესიონალებისათვის. მათ გარდა, არის სლალომის, სლალომი-გიგანტის, სუპერგიგანტის და ჩქაროსნული დაშვების ტრასები.

სასრიალო ტრასების საერთო სიგრძე 57 კმ-ზე მეტია.

კურორტის ტერიტორია არ შემოიფარგლება მხოლოდ სასრიალო ტრასებით. მთის ქედები მოგცემთ საშუალებას, ისრიალოთ გაუკვალავ თოვლში, რაც მეტად მომხიბლველია თავისუფალი სრიალის მოყვარულთათვის.