საზაფხულო გართობა

ზაფხული - არის მშვენიერი დრო მეგაპოლისის ცხოვრებისგან დასასვენებლად, აყვავებულ ქედებზე სასეირნოდ, ჩანჩქერებსა და მთის ტბებში საცურაოდ და ტრადიციული ქართული სამზარეულოს ნატურალური საკვების დასაგემოვნებლად.

ტრეკინგი, ფოტოტურიზმი

ტრეკინგი, ფოტოტურიზმი

ფეხით სიარული ჯანმრთელობის საწინდარიც არის და საოცარი პეიზაჟებით ტკბობის შესაძლებლობაც. ტრეკინგი კი ის აქტივობაა, რომლის დროსაც შეგიძლიათ დალაშქროთ ისეთი მიუვალი ადგილები, რომელთა ნახვაც სატრანსპორტო საშუალებებით შეუძლებელია.

დასვენების ამ ტიპის არჩევისას შეგიძლიათ ეწვიოთ:

XIVსაუკუნეში აშენებული სამების ტაძარს. ის მდებარეობს ზღვის დონიდან 2170 მეტრზე, ყაზბეგის მთის ძირში. ტაძარში დაბრძანებულია ღვთისმშობლის სასწაულმოქმედი ხატი;

მოინახულეთ არაგვის ხეობის მთავარი სიწმინდე - ლომისა, აშენებული VIIსაუკუნეში;

დაათვალიერეთ ჯვრის უღელტეხილი, მინერალური წყარო, დაბა სტეფანწმინდა, დარიალის ხეობა, თამარ მეფის სასახლე, ყაზბეგის მთა, თავადის მამული, ეთნოგრაფიული მუზეუმი...

კლდემსვლელობა

კლდემსვლელობა

მყინვარწვერი კავკასიონის ერთ-ერთი ულამაზესი მწვერვალია. მისი სიმაღლე ზღვის დონიდან 5033 მეტრია. ეს ადგილი გთავაზობთ შესაძლებლობას, მოაწყოთ ლაშქრობა მეგობრებთან ერთად და დაუვიწყარი დრო გაატაროთ მთის ფერდობზე.

პარაპლანით ფრენა

პარაპლანით ფრენა

ყველა ჩვენგანი ოცნებობს, გადმოხედოს სამყაროს ზევიდან და დატკბეს ულამაზესი ხედებით. ამის საშუალებას გვაძლევს სპორტის ექსტრემალური სახეობა - პარაპლანით ფრენა.

გუდაურში პარაპლანით სარგებლობა შესაძლებელია წლის ნებისმიერ დროს კარგ ამინდში. მსურველების განკარგულებაშია მთების: კუდებისა და საძელეს ფერდობები. ნებისმიერ მგზავრს ახლავს ინსტრუქტორი.

კომპნაია FLY GUDAURI - ის ინსტრუქტორები იყენებენ პარაგლაიდინგის ტექნიკის მწარმოებელი ბრენდების ახალ, სერტიფიცირებულ აღჭურვილობას. ინსტრუქტორებს აქვთ არა ნაკლებ 10 წლიანი გამოცდილება.

პარაპლანით ფრენის ღირებულება 20 დეკემბრიდან - 20 აპრილამდე:

კუდებიდან მეორე საბაგირომდე, ხანგრძლივობა 10-15 წუთი - 140 ლარი;

კუდებიდან სასტუმრო ,,გუდაური მარკო პოლომდე’’, ხანგრძლივობა 30-35 წუთი - 160 ლარი;

კუდებიდან არაგვამდე, ხანგრძლივობა 20-30 წუთი - 250 ლარი.

 

პარაპლანით ფრენის ღირებულება (სასტუმრო გუდაური ,,მარკო პოლოდან’’ ტრანსპორტირებით) 1 მაისიდან 30 ოქტომბრამდე:

ყაზბეგი - ტურის ხანგრძლივობა - 20 წუთი - 200 ლარი;

გუდაურის უღელტეხილი - ტურის ხანგრძლივობა - 20 წუთი - 200 ლარი;

ყაზბეგი - ტურის ხანგრძლივობა - 45-60 წუთი - 300 ლარი;

ჯომარდობა და კაიაკინგი

ჯომარდობა და კაიაკინგი

ხართ ექსტრემის მოყვარული? ჯომარდობა და კაიაკინგი სწორედ ისაა, რაც ყველაზე მეტად გჭირდებათ.

არაგვსა და თერგზე დაშვება ნამდვილად მოგანიჭებთ სიამოვნებას და გაგრძნობინებთ ექსტრემის ხიბლს.

ცხენებით გასეირნება

ცხენებით გასეირნება

სასტუმრო ,,გუდაური მარკო პოლო’’ ზრუნავს დამსვენებლის როგორც ექსტრემალურ, ისე მშვიდ გართობა-დასვენებაზე. აქ გეძლევათ შესაძლებლობა, გაისეირნოთ ცხენებით და ბუნებრივ ლანდშაფტში მოიპოვოთ სიმშვიდე.

ველოტურიზმი

ველოტურიზმი

სპორტული გართობის მოყვარულებს შეუძლიათ ისარგებლონ ველოტურით. კავკასიონის მთიან ბილიკზე ველოსიპედით სეირნობა დიდი სიამოვნების წყაროა.

იოგა

იოგა

ამ მომხიბლველ ბუნებრივ გარემოში გეძლევათ საშუალება, აითვისოთ და ჩაუღრმავდეთ იოგის პრაქტიკას. ქალაქისგან შორს, სუფთა ჰაერზე იოგის საშუალებით შეგიძლიათ აღიდგინოთ ძალები და შეიგრძნოთ სულიერი სიმშვიდე.